Davao City – Kritikal karon ang usa ka 18-anyos nga batag lalaki human kining nabanggaan og bike sa usa ka triathlete atol sa Ironman 70.3 alas 9:00 kagahapon sa buntag, Marso 26 sa Purok Ubas, Brgy. Santo Niño.
Giila sa Panabo City Police Station ang biktima nga si Gerald Tayad residente sa maong lugar.
Base sa report sa Panabo City Police Station, naglawig ang triathlete nga si David Smith, 55-anyos sa dalan gikan Tagum city paingun sa Davao city ug kalit nga mitabok sa kalsada si Tayad arun kuhaon ang iyang water container.
Sa kakusog sa pagkabangga, nalagpot ang driver sa bike ug naka-angkon og mga samad ingon man pangos sa nagkadaiyang parte sa lawas.
Samtang, Gi-klaro sab sa inahan nga niini nga Geraldine nga dili sa iyang anak ang water container nga gipunit niini kundili nahulog kini sa unang biker ug gipunit lamang kinis iyang anak tungod kay nasayod kini nga delikado alang sa nagsunod nga biker.
Gikaguol sa inahan sa biktima karon tungod ana sa kritikal nga sitwasyon ang iyahang anak.
Sa karon, wala pa usab ngapagawas ug statement ang organizer sa giingong aktibidad.(Camille Santos Naraga)
(Source: Contribute photo)