Davao Del Sur – Sikop ang 15 ka mga mananagat atul sa joint seaborne patrol operation sa pwersa sa Sta. Cruz MPS ug Personahe sa Municipal Fishery Law Enforcement sa kadagatan sa Barangay Zone IV, Sta. Cruz, Davao Del Sur Mayo 31 diin nasikop ang 15 ka mga mananagat nga pulos residente sa Apo Beach, Barangay Zone III sa nahisgutang municipalidad nga sakay sa fishing boat.
Ang 15 ka mga mananagat giila lamang sa kapulisan sa mga alyas nga Ronelo, Arce, Antonio, Rowel, Henry ,Benjamin, Zaldy, Elorde, Mark, Isidro, Romy, Edwin ,Gemuel, Narciso ug Leowel nga nakakustodiya sa Municipal Fishery Law Enforcement office. sa Barangay Zone III aron imbestigahan.
Giingong nasupak sa mga dinakpan ang Fisheries Code of the Philippines tungod sa paggamit og ring net nga paagi sa pagsikop og isda.
Apil sa mga ebidensiyang nakuha sa mga otoridad ang bangkang panagatan, ring net mesh ug gibana-banaang 7 kilos nga assorted nga isda. (Camille Santos Naraga)
(Source: Santa Cruz MPS/PIO PRO-XI)