Davao City – Patay ang usa ka indibidwal samtang tulo ang angul human nga gidaro sa truck ang mga sakyanan sa Carlos P. Garcia National Highway, Maa Diversion Road, Davao City.
Giila ang namatay na biktima nga si James Narvaes, ang mga naangol mao sila Emar Jay Cabalde Bantasan, 20 anyos, taga Bacalso Compound, Phase 2, Catalunan Pequeño, Davao City, Marlon Silaya Cacho, 36 anyos, taga People’s Village, Maa, Davao City ug Michael Ian Cañete Mabiscay nga pulos nagmaneho og Motorsiklo
Sumala sa report, nawad-an og brake ang wing van truck nga gimaneho sa usa ka Christopher Sernande Abalos, 34 anyos residente sa Purok 2, Barangay Old Magallanes, Tayug, Pangsinan nga nahimong rason nga naharos niini ang mga sakyanan.
Dugang niini, nadala sa balay tambalan ang mga naangol nga indibidwal.
Sa karon, nagpadayon pa ang imbistigasyon sa kapulisan mahitungod sa insidente. (Camille Santos Naraga)
(Source: Contributed)