DAVAO CITY – Gikumpirma nga upat ka miyembro sa Civil Security Unit (CSU) sa LGU Tagum ang nagpositibo sa drug test nga gipahigayon karong adlawa.
Sumala sa impormasyon nga nakuha sa Mindanet Balita, gikan sa kapin 500 ka personnel nga gitestingan, upat niini ang nagpositibo sa paggamit og ilegal nga droga.
Matod pa, gipangtanggal na sa serbisyo ang maong mga CSU personnel ug wala na silay posibilidad nga makabalik pa sa ilang posisyon, base sa pahayag ni Mayor Rey Uy.
Ang maong Substance Abuse Monitoring alang sa mga CSU personnel kabahin sa Drug-Free Workplace Program sa dakbayan, nga gihimo sa panaghiusa sa City Anti-Drug Abuse Council (CADAC), City Human Resources Management Office (CHRMO), City Health Office (CHO), ug PDEA. .(Camille Santos Naraga)(Source: Contributed)