DAVAO CITY – Narekober sa tropa sa gobyerno ang tulo ka high-powered firearms, partikular ang AK-47 rifles, uban ang ilang mga magasin nga gituohang gitago sa New Peopleβs Army (NPA) sa Barangay Lianga, Surigao del Sur.
Sumala sa Philippine Armyβs 4th Infantry Division, nasayran ang lokasyon sa mga armas human sa impormasyon nga gihatag sa usa ka kanhing miyembro sa NPA nga misurender sa mga awtoridad.
Gipahayag sa 401st Infantry Brigade nga ang mga armas giplanong gamiton sa armado nga kalihokan sa nahibiling NPA sa maong lugar. Matod pa, ang ilang pagkarekober dakoβg kahulugan sa pagpugong sa mga posibleng insidente sa kapintasan.
Gidugang pa sa brigade nga ang maong kalampusan nagpakita sa nagpadayon nga paghuyang sa impluwensiya ug suporta sa NPA sa komunidad.(Camille Santos Naraga)(Source: Contributed)