30.2 C
Manila
Sunday, April 21, 2024

Dai Pagkasinabutan Kan Duwang Dakulang Personalidad Sa Cuidad Nin Iriga Mas Nag-Iinit

- Advertisement -

Iriga City — mas nag-iinit ngunian an dai pagkairintiendihan kan duwang dakulang personalidad sa cuidad nin Iriga sa pag-ultanan ninda alcalde Madel Yorobe Alfelor asin Atty. Santiago Ortega Jr. Presidente kan USANT sarong dakulang unibersidad sa cuidad.

Nag-gikan an nasabing diringkilan matapos na mag-apariser sa kongreso si Atty. Ortega tanganing patunayan an irregularidad sa nagtalikod na social amelioration distribution huli sa covid-19 pandemic.

Asin binanggit pa sa nasabing inbestigasyon an pagkaka-utang kan alkalde sa abugado sa kantidad na 30 milyones pesos na dai pa nababayadan.

Alagad dakol man an nagsasabi na nag-poon an nasabing diringkilan matapos na magsuhay si mayor madel ki Gov. Migz Villafuerte kan Camarines Sur kan nagtalikod na 2016 elections, kun sain suportado kan abugado an nasabing kampo.

Mas pang nag-init an iwal kan duwa kan sarong bill board an ipaskil kan kampo ni Ortega sa pagbuyagyag kan nasabing pagkaka-utang, na sinimbag man nin mainit na tataramon kan alkalde kasabay kan saiyang hinanakit sa abugado na binibisto kaining ama.

Sa presente, bangga an posisyon kan mga namamanwaan kan cuidad sa pagsabing an utang kaipuhan soboot na bayadan, mientras na an iba nagpahayag man na sarong personal na bagay an utang asin dai ini dapat ibinabalingibog sa publiko orog na sa social media. (OIC Melvin Barayoga, RPN DZKI Iriga)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -