Padayon sa paghatag og mahinungdanon nga inpormasyon si Provincial- IATF Chief Dr. Jerie Calingasan ngadto sa mga empleyado sa Kapitolyo Probinsyal aron mas mapugngan ang pagkuyanap sa COVID-19. Matod ni Dr. Calingasan nga kung ang tawo positibo sa maong virus, sa ika-5 ngadto sa ika-7 nga adlaw gikan sa pagtakod niini mogawas ang mga sintomas, apan 2 ka adlaw bag-o manggawas ang sintomas mahimo na nga makatakod sa uban.
“Symptoms come out on the 5th to the 7th day kung ikaw matakdan. 2 days before the symptoms come out you are already very infectious.” unang pagpasabot niini.
Matod sab sa PIATF Chief nga sa ika-10 ka adlaw gikan sa pagtakod sa COVID-19, ang tawo usa na ka “Clinically recovered” apan magpadayun sa 4 ka adlaw nga isolation aron makumpleto ang 14 ka adlaw nga gikinahanglan.
Kanunay nga suportado si Governor Bambi Emano ug ang mayoriya sa Sangguniang Panlalawigan Board Members ngadto ni Dr. Jerie Calingasan tungod kay siya ang mas nasayod sa mga angay buhaton aron magpabiling luwas ang mga empleyado sa probinsya batok sa makapatay nga virus.
(Provincial Information Office – MisOr)