Surigao City – Mapasigarbuhon na nakadawat ug duha ka Panata Ko Sa Bayan Awards an City Social Welfare And Development Office (CSWDO) sa Surigao City atol sa ika-73 na anibersaryo sa Caraga DSWD sa The Pavilion sa Watergate, Butuan City, kagahapong adlawa Huwebes, Marso 7, 2024.
Si Undersecretary Denise Florence B. Bernos-Bragas ug Regional Director Mari-Flor A. Dollaga mipresentar ug plake ngadto kang City Social Welfare and Development Officer Lenie S. Liray, na nag-ila sa dalaygon na mga paningkamot sa Siyudad.
An Panata Ko Sa Bayan Awards nagpasidungog sa mga indibidwal na nagpakita sa pagkadili hakog ug kalooy, na naghimo ug mahinungdanong kontribusyon sa ilang mga komunidad.
Suyod sa ika-73 na anibersaryo sa Department of Social Welfare and Development, na may temang “Angels in Red Vests: Empathy in Action, Integrity in Service, Unity in Community,” an mga awards nagpasiugda sa pasalig sa ahensya sa pag-ila sa bililhong kontribusyon sa mga stakeholder, grupo, ug indibidwal na nagsuporta sa mga programa ug serbisyo niini, nagpauswag sa mga oportunidad alang sa mga marginalized na sektor ug nagpasiugda sa inklusibo na pagtubo. (Ronda 21 Mark James Lisondra)