Cagayan de Oro City – Ang mga residente sa Cagayan de Oro nga nakasinati sa mga sintomas sama sa sore throat, loss of smell and taste kinahanglan mangayo sa hinanaling medical consultation aron masayran kon natakbuyan ba sa Covid-19, matud pa sa usa ka Covid survivor.
“Dili ta maulaw, importante nga responsible ta sa atong panglawas ug sa kasiguruhan sa atong pamilya,” sumala pa ni Ariel Hernandez, special assistant to Inter Agency Task Force chief implementor Carlito Galvez atol sa usa ka press briefing niining semanaha.
Si Hernandez nga usa ka kanhi Anak Mindanao Partylist representative miasoy nga dako ang iyang pasalamat sa City Hall sa pag-atiman kaniya sud sa 28 ka adlaw nga pagpahimutang sa usa sa mga temporary treatment management facilities sa Cagayan de Oro kini nahitabo tapos nakasinati siya sa sakit sa tutunlan pag-uli niya sa syudad gikan sa kauluhan, apil ang nabating pagpanugnaw tapos sa duha ka adlaw. Nakasinati pa siya nga dili na makabaho sa sabon ug shampoo sa iyang pagkaligo mao nga mideretso na siya sa TTMF. Dili man tuod perfecto ang sistema apan giatiman gyod siya sud sa nahisgutang facilidad. Ug tungod niini, nga nakasurvive siya sa iyang gidangatan, mapasalamaton kaayo si Hernandez sa lokal nga kagamhanan.
Gawas sa pagpahimutang sa dugang pa nga city isolation units ug TTMFs, ang City Health Office agresibo usab nga nagpromote sa teleconsultation program sa dakbayan diin ang mga residente makapangayo sa medical consultation pinaagi sa Facebook, Viber ug bisan pa man sa text message.
(City Information Office)