Cebu City – Mipatawag na ug tigom si Mandaue City Mayor Jonas Cortez tali kang Dr. Nimfa Bongo, DepEd Superintendent kalabot sa isyu sa Mandaue City Central School (MCCS), diin dunay mga items ang nangawagtang ug duna say pipila ka mga butang sa eskwelahan ang nanga guba homan gigamit sa Mandaue Local Government Unit ang tunghaan isip isolation center.
Kini ang gipahibaw ni Atty. John Eddue Ibanez, ang executive secretary ni Cortez nonot sa maong kalamboan.
Una niini, mihangyo ang Mandaue LGU, niadtong Mayo 2020, aron gamiton ang MCCS isip isolation facility sa na Covid-19 nga mga pasyente.
Gitugtan sa kadagkuan sa tunghaan ang maong hangyo ug gi gamit sa mga pasyente ug mga frontliners.
Pagka Hunyo 2021, gipang pull-out na ang mga gamit sa isolation facility ug gi disinfect sab kini sa wala pa gi turn over sa DepEd.
Gibutyag ni Dr. Alma Bardaquillo, principal sa MCCS homan nila nadawat ang certificate of re-occupancy, niadtong Hunyo 5.
Mibalik na sab ang mga maestra sa ilang tagsa tagsa ka mga assigned classroom.
Sa ilang pagbalik diha na nila nasuta sa mga magtutudlo ang ubang mga gamit labi na ang mga importante nga butang sa classroom nga naglakip sa mga electric/industrial fan, mga speaker ug mga laptop, kettle ug uban pa.
Duna say mga nanganguba nga gamit sama sa pultahan ug mga tiles.
Lakip nga nahanaw ang pipila ka mga tanom sa maong tunghaan. (Jhon Tadlip)
(News & photo courtesy of Mandaue City Public Information Office | DepEd Mandaue City)