Sa padagos na nag-iinit na isyu kang Pasacao-San Fernando-Balatan Coastal Road na nabulatlatan kang grupo kang Anduyog, mas nagdadakul pa ang nadidiskubre na irregularities sa nasambit nang proyekto.
Kasali igdi ang suboot sub-standard na kabilyang ginamit, mga gasang na gapo invez na boulder an dapat na ginamit.
Ang pundasyon kang seawall na dapat suboot 6 feet ini ang dai nasunod asin ang hibug kang tinapal na semento nasa tulong pulgada sana (3 inches) mala ngani ta ngunyan pa sana na mayu pang storm surge nagtuturuklap na.
Kasubago (May 31, 2021) sa Sangguniang Bayan Session kang San Fernando, Camarines Sur, nag-apariser si dating Congressman Attorney Rolando Nonoy Andaya Jr na nagtitindog bilang abogado kang 87 pamilya na naapektaran kang proyekto.
Apwera sa suboot ampaw na patrabaho kang Pasacao-Balatan Coastal Road, nasambitan man ang suboot sub-standard na mga ginamit na kabilya o ang inaapod na “dowel” na invez 36mm na kabila ang ginamit, suboot 16mm lang.
Huli kang mga irregularities na ini, hagad kang grupo kang Anduyog sa Department of Public Works and Highways (DPWH) Regional Office sa Bicol sa pamamayu ni Regional Director Virgilio C. Eduarte na isali na sa blacklisted ang contractor kang mga nasambit ng mga proyekto.
(Source: PNP Balatan, Camarines Sur, photo courtesy of DPWH)