Cagayan de Oro – Nagpasaka na karon ang Commission on Elections (Comelec) og disqualification case batok sa usa ka barangay chairperson sa Cagayan de Oro nga giingong nagpaluyo sa pag-isyu og kapin sa 8,000 ka barangay certificates nga maoy hinungdan sa “unusual” nga pagdagsa sa voter registrations alang sa 2025 national and local elections (NLE).
Sa 16-panid nga petisyon nga gisang-at sa departamento sa balaod niini, ang poll body miingon nga si Barangay Carmen chairperson Raineir Joaquin Velez Uy, kinsa nagtinguha og puwesto sa House of Representatives sa sunod tuig nga eleksyon, willfully ug maliciously nga migamit sa malimbungon nga laraw sa pag-isyu ug barangay certifications bisan sa mga dili residente sa Barangay Carmen aron maimpluwensyahan ug maaghat sila nga magparehistro isip mga botante sa nasangpit nga barangay, aron gituyo paghatag tungod sa bentaha sa iyang kandidatura alang sa 2025 midterm election.”
Gisagop sa Comelec en banc sa miaging semana ang mga rekomendasyon sa usa ka specialized task force alang sa giingong malimbungon ug anomalosong voter registration sa Barangay Carmen.
Nasuta sa imbestigasyon nga ang kinatibuk-ang ihap sa mga rehistradong botante sa Barangay Carmen misaka ngadto sa 56,837 niadtong Nobyembre 2024 gikan sa 32,218 niadtong Oktubre 2023, o usa ka average nga 44.41% nga pagtaas sa mga botante. Sa mga numero, niabot sa 8,218 o 37.60% sa mga aplikante ang nagparehistro sa barangay certificates nga giingong giisyu ni Uy.
Una nang niingon ang Comelec nga nag-umol sila og task force nga mosusi sa maong isyu.