CGB, SDCB, Chalkboard Aral PH inks MOA on Batac City Aral Program

0
8
photo courtesy of City Government of Batac

Nagpirma ti City Government of Batac iti Memorandum of Agreement, kadwana iti Schools Division ti Siudad ti Batac (SDCB) ken Chalkboard Aral PH para iti programana a Batac City Aral Program tapno tapno matulongan ken awan ti mabati nga agad-adal a mairugi ti inton Hunio 14.

Panggep daytoy a gannuat ti mangipaay iti suporta kadagiti marigrigat nga agad-adal ken ad-adda pay a maitandudo ti inclusive education iti siudad. Ti Chalkboard ket mangpatpataray ti high-dosage remediation program iti Literacy and Numeracy a panggepna a magunggonaan dagiti ubbing nga ageskuela iti panagdur-as ken pannakaawatda kadagiti kangrunaan a paglaingan iti panagbasa ken matematika.

Inbinglay ni Chalkboard Chief Operating Officer, Mr. Albert Tablan a ti panggep ti programa ket tulongan dagiti marigrigat nga agbasbasa a makagun-od iti panagtalek ken paglaingan babaen kadagiti epektibo ken nasigo a panangibabaet.

Kas paset ti programa, makipagtrabaho dagiti tutor kadagiti 20 a marigrigat nga agbasbasa, a naipamaysa iti panangpasayaat iti abilidad nga agbasa ken matematika. Ti pilot school para iti daytoy a programa ket ti Hilario Marcos Valdez Elementary School, ken inyebkas ti prinsipal a ni Ms. Mely Repollo ti panagyamanna ta isu ti kaunaan nga eskuelaan iti rehion a nakaawat iti daytoy napateg a suporta, nga impaganetgetna dagiti mabalin a pagimbagan para kadagiti agad-adalda. Buklen ti programa ti 25 a sesion, a tunggal maysa ket agpaut iti 2 nga oras.

Mainayon pay, makaawat dagiti estudiante kadagiti activity kits a buklen dagiti kangrunaan a kasapulan ti pagadalan tapno matulongan ti panagdaliasatda iti panagsursuro.

Iti biang ni Mayor Albert D. Chua, inyebkas ni SPM Markee Chua ti panagyamanna iti SDCB ken Chalkboard Aral PH, agraman ti namnamana a ti programa ket makagunggona iti ad-adu pay nga agad-adal iti masakbayan. (Rod Sadian)

(Source: City Government of Batac)

Leave a Reply