Nadakpan sa kapulisan ang usa ka lalaki nga giilang si alias Jem2x, 41 anyos, ulitawo apan adunay live-in partner, ug residente sa Barangay Bulacao, Cebu City, sa usa ka buy-bust operation sa Acolina Street, Barangay Ibabao-Estancia, alas 12:51 sa kaadlawon, karong Abril 25, 2025.
Gipahigayon ang operasyon sa mga sakop sa CIU/CDEU sa Mandaue City Police Office (MCPO), pinangulohan ni PCPT Cristopher Torregosa, ubos sa direktang pagdumala ni PLTCOL Arnold P. Valenzuela, Chief sa CIU/CDEU, ug sa mando ni PCOL Cirilo Bulseco Acosta Jr., City Director sa MCPO. Ang operasyon gikoordinado usab sa PDEA-7.
Nasakmit sa operasyon ang gibana-banang 1.2 kilos nga shabu, nga adunay kantidad nga Php 8,160,000.00 sa street value.
Si alias Jem2x giilang usa ka High-Value Individual (HVI) ug kasamtangang nag-atubang og kasong kalapasan sa Sections 5 ug 11, Article II sa Republic Act 9165 o ang Comprehensive Dangerous Drugs Act of 2002.
Sa pagkakaron padayon ang imbestigasyon sa kapulisan arin matino ang tinubdan sa daghang ginadiling drugas.