Nagpatuman og Yellow Alert ang National Grid Corporation of the Philippines (NGCP) sa Visayas Grid karong Agosto 23, 2026, gikan alas 6:00 sa gabii hangtod alas 9:00 sa gabii.
Base sa update alas 8:00 sa buntag, ang available capacity sa grid kay 2,516 megawatts (MW), samtang ang peak demand gilauman nga moabot sa 2,292 MW.
Lakip sa hinungdan sa Yellow Alert mao ang wala pag-operate sa dagkong coal plants nga TVI 1 ug TVI 2, ug ang emergency shutdown sa KSPC 1 kagahapon tungod sa gituohang problema sa boiler tube.
Matod sa NGCP, ang Yellow Alert ipagawas kung kulang ang operating margin aron masiguro ang igo nga suplay sa kuryente kung adunay kalit nga problema sa transmission grid. Adunay 901.9 MW nga kapasidad ang dili magamit tungod sa mga planta nga naka-forced outage ug mga planta nga nag-operate sa mas ubos nga kapasidad.
📸 NGCP
I via Renante Socia Lada