Ang National Grid Corporation of the Philippines o NGCP subling magpatuman og Red Alert sa Visayas Grid gikan alas-3 sa hapon hangtod alas-9 sa gabii karong Septiyembre 14, 2026.
Adunay Yellow Alert usab gikan ala-1 hangtod alas-3 sa hapon ug gikan alas-9 hangtod alas-11 sa gabii.
Sa datos alas-8 sa buntag, ang available nga suplay sa kuryente kay 2,153 megawatts, samtang ang peak demand o gipaabot nga pinakataas nga panginahanglan anaa sa 2,462 megawatts.
Sumala sa NGCP, 12 ka power plants ang naka-forced outage ug 13 pa ka planta ang nag-operate sa mas ubos nga kapasidad. Mokabat sa 1,075.2 megawatts ang kapasidad nga dili magamit sa grid.
Lakip sa mga hinungdan sa Red ug Yellow Alert mao ang pagkadili-operational sa dagkong coal plants nga TVI 1, TVI 2 ug PEDC 3, ingon man ang limitado nga power import gikan sa Mindanao Grid.
Ang Red Alert ipagawas kung kulang ang suplay sa kuryente aron matubag ang panginahanglan sa mga konsumidor. Ang Yellow Alert ipatuman kung kulang ang reserve o backup power nga gikinahanglan sa grid.
I via Renante Socia Lada