Gumikan sa sunod-sunod na problema sa baha nga nasinati sa dakbayan sa Mandaue, ang kagamhan sa siyudad niumol og usa ka Task Force batok sa baha.
Ang Task Force APAS kon (Atong Problema, Atong Sulbaron) maoy magtutok sulod sa 24 oras ug kanunay alerto labi na kung adunay baha.
Bisan sa panahon sa kagabhion anaa gihapon ang mga sakop sa City Disaster Risk Reduction and Management Office na muhimo sa suction pump.
Prioridad nila ang pagpahubas sa tubig baha didto sa Barangay Tipolo ug Barangay Looc duol sa UCLM aron malikayan ang kahasol sa mga muagi sa maong lugar.
Way hunong usab ang taga Department of Public Works and Highways (DPWH) sa ilang proyekto sa dakbayan sa Mandaue aron mahatagan og pang long term solution ang grabi nga problema sa baha.
Hugtanon karon si Mandaue City Mayor Jonas Cortes sa maong programa ug nimando nga kanunay alerto labi na sa panahon nga kusog ang uwan diin mutumaw ang grabing pagbaha.
(Source: Mandaue City PIO)
