Nagmalampuson ang gihimo nga joint operation sa kapulisan sa pagsikop sa usa ka Muslim nga tigpayuhot og ginadiling drugas.
Huybis sa hapon, Septembre 14, 2023, gilusad ang usa ka entrapment operation didto sa Barangay Pajo, siyudad sa Lapu-Lapu.
Ang suspetsado nga nadakpan giila sa Lapu-Lapu City Police Office nga mao si Abdillah Otto Bertodan, 23 anyos ang panuigon, kasamtangan nga nagpuyo sa Barangay Poblacio, siyudad sa Talisay ug lumad nga taga dakbayan sa Marawi.
Nakuha sa iyang position ang usa ka kilo sa shabu nga adunay street value nga P6.8 milyon.
Ang mga sakop sa Drug enforcement Unit sa LCPO ug Provincial Drug Enforcement Group-7 maoy gihimo sa maong buy-bust operation nga ni resulta sa pagkasikop sa suspetsado.
Nikabat sa usa ka buwan ang pagmonitor sa illegal nga binuhatan ni Bertodan og positibo kining nasuta nga tigpayuhot gyud og ginadiling drugas.
Sa pagkakaron giandam na nag tukmang kaso batok sa dinakpan ug gipangita pa usab ang kauban niini nga maka dispatsar og kinilo nga ginadiling drugas. (Renante Socia Lada, photo courtesy of Junard “Ahong” Chan, LLC Mayor)