Nikalas og usa ka kinabuhi ug niangol ug napulo ka mga tawo ang disgrasya sa kadalanan human nalimbuwad ang SUV.
Ang disgrasya nahitabo pasado als 5:30 kagahapon sa hapon Marso 21, 2024, didto sa Transcentral Highway (TCH), Barangay Gaas, lungsod sa Balamban, probinsya sa Sugbo.
Ang nakalas giila sa Balamban Police Station na mao si Angelu Mae Omayao Pateres, taga Anahaw Valley, Barangay Buhisan, siyudad sa Sugbo, driver ug tinun-an sa nursing sa dakbayan sa Sugbo.
Samtang ang mga nangaangol na sakay sa maong SUV mao sila si Kent Abrolodura, Kirby Tahanlangit, John Kenneth Araneta, Rj Colanggo, Michael Mongaya, Dinah Maloloy-on, Gwen Lano, Kim Rocaberte, Gwenyth Elevaso ug Julius Aping, pulos hingkod ang panuigon.
Sa inbestigasyon sa Balamban Police Station nasayran na kusog ang dagan sa maong puti na SUV samtang nag lugsong kini sa liko-on na karsada.
Nawad-an sa kontrol ang driver na ni resulta sa pagkatumba sa maong sakyanan.
Sa pagkakaron padayon ang inbestigasyon ug pag atiman sa mga biktima. (Renante Lada)