Usa ka 29 anyos nga lalaki ang gidakop sa Guadalupe Police Station 9 sa kaso sa murder. Ang operasyon gipangulohan ni PCPT Venstine P. Bontilao, hepe sa maong buhatan, ug gihimo sa Barangay Kalunasan ning dakbayan sa Sugbo.
Ang nadakpan anaa karon sa kustodiya sa Cebu City Jail ug giila nga Top 4 Most Wanted Person sa Provincial Level. Ang warrant gi-isyu sa Regional Trial Court (RTC) 7, Branch 22, Cebu City niadtong Nobyembre 20, 2025. Ang suspek gipahibalo sa iyang legal nga katungod samtang nagpaabot sa dugang proseso sa korte.
Gipadayeg ni PCOL George V. Ylanan, Officer-in-Charge sa Cebu City Police Office, ang kusog ug dedikasyon sa mga sakop sa Guadalupe Police Station sa ilang walay hunong nga trabaho ug serbisyo alang sa katawhan.
Iyang gimandoan ang tanang unit sa kapulisan nga ipadayon ang kampanya sa pagpangita ug pagdakop sa mga wanted persons aron masiguro ang kalinaw ug kahapsay sa dakbayan.
Ang publiko gihangyo sa kapulisan nga magtinabangay pinaagi sa paghatag og impormasyon ug suporta sa seguridad sa komunidad aron mapadali ang pagdakop sa mga kriminal ug wanted persons. Ang aksyon nagpamatuod sa determinasyon sa CCPO sa pagprotektar sa Cebu City ug sa katawhan niini.
Source: CCPO
I via Renante Socia Lada