Nasikop na sa Labangon Police Station 10 ang usa sa Top 10 Most Wanted Person sa Central Visayas human sa pipila ka buwan nga pagpangita. Ang operasyon gihimo niadtong Nobyembre 26, 2025 sa Sitio Anahaw, Brgy. Buhisan, Cebu City, ubos sa pangulo ni PMAJ Marvin B. Fegarido, hepe sa estasyon.
Ang 46-anyos nga suspetsado gidakop tungod sa kasong Frustrated Murder nga gi-issuehan og warrant sa Regional Trial Court (RTC) 7, Branch 5, Cebu City kaniadtong Hulyo 15, 2025. Human madakpi, gipahibalo kini sa iyang legal nga katungod samtang nagpaabot sa sunod nga lakang sa korte.
Kasamtangan nga gitanggong sa kustodiya sa Labangon Police Station 10 ang akusado samtang nagpadayon ang legal nga proseso batok kaniya.
Si PCOL George V. Ylanan, Officer-in-Charge sa Cebu City Police Office, midayeg sa Labangon PNP sa ilang padayon nga determinasyon ug epektibong operasyon nga miresulta sa pagkadakop sa usa ka high-value fugitive.
Gimandoan usab niya ang tanang police units nga lig-unon pa gyud ang kampanya batok sa mga wanted persons aron masiguro ang malinawon, luwas ug mas himsog nga dakbayan sa Sugbo alang sa katawhan.
Source: CCPO
I via Renante Socia Lada