Garbo karon sa mga Oponganon ang nakab-ot nga idea sa usa ka tinun-an didto sa Minerva University, San Francisco, California, USA, nga usa ka mobile web app aron makatabang sa mga pasahero sa eroplano nga maka navigate sulod sa Mactan-Cebu International Airport Authority (MCIAA).
Si Carl Vincent Kho, 19 anyos ang panuigon, lumad na taga Barangay Basak, siyudad sa Lapu-Lapu, ug kasamtangan nagtungha didto sa USA.
“Makaayo ni sa atong mga pasahero because our airport is the gateway to the Visayas,” segon ni Mayor Junard “Ahong” Chan.
Aduna nay mga nahimong research si Kho didto sa America na nagamit usab sa mga airport.
Ma download ang maong App na maoy makagiya sa mga pasahero sa ilang biyahi.
Gikalipay usab pag ayo ni Mayor Chan ang ilang panagtagbo niadtong niaging adlaw Hunyo 5, 2023.
Gi konsiderar sa Mayor na usa kini ka maayong ehemplo sa mga Oponganon. (Renante Lada, photo courtesy of PIO Lapu-Lapu City)