Usa ka 22-anyos nga estudyante sa pagka-caregiver ang misang-at ug reklamo batok sa iyang 32-anyos nga ka-boardmate human siya gilugos niini.
Didto kini nahitabo sa Barangay South Poblacion, siyudad sa Naga, niadtong Mayo 7, 2025.
Sumala sa asoy sa biktima, siya nitug-an sa kapolisan nga nagsugod ang tanan human sila nag-inom sa iyang boardmate. Sa dihang mibati siya og kaluya ug kahubog misulod siya sa iyang lawak. Apan wala damha nga gisundan siya sa suspek ug gilapas ang iyang privacy sa sulod sa kwarto.
Pasangil sa biktima nga nakuha gyud ang iyang pagkababaye tungod kay wala siyay igong kusog nga ikasukol niini.
Midangop siya sa kapulisan ug nadakpan ang suspetsado.
Ang biktima gipailawom sa medical ug psychological examination sa Vicente Sotto Memorial Medical Center. Ang mga resulta niini gamiton isip ebidensya sa umaabot nga kasong pormal batok sa suspek.
Sa kasamtangan, nagpabilin sa kustodiya sa kapolisan ang suspek samtang naghulat sa legal nga proseso. Nagpadayon ang imbestigasyon sa maong insidente.
I via Renante Socia Lada