Gitanggong karong sa Waterfront Police Station 3 sa Cebu City Police Office ang gituhuang suspetsado sa nahitabong sunog didto sa Sitio Laurente, Barangay Tejero, siyudad sa Sugbo.
Alas 8:O7 kagabii, Septembre 10, 2023 nadawat ang alarma sa sunog diin gisaka kini sa ikatulo nga alarma ug na under control pagka 8:46.
2O ka mga balay ang na apiktuhan sa sunog ug 14 niini ka pinuy-anan ang hingpit nga naugdaw, hinuon walay gikatahong naangol o namatay.
Si Leonil Demecillo Rivera, 29 anyos ang panuigon, residenti sa naasoy nga lugar maoy gitumbok nga suspetsado sa maong sunog.
Sa inbestigasyon sa kabomberuhan nasayran nga nagsugod ang sunog sa balay ni Rivera.
Gituhuang tungod sa katol ang hinungdan sa pag ulbo sa kalayo sa maong lugar.
Gidudahan usab sa mga tawo nga nagsuyop si Rivera sulod sa ilang balay atong higayunan kay naila kini nga tig gamitan og ginadiling drugas.
Sa pagkakaron padayon ang inbestigasyon may labot sa maong sunog ug pila usab ang kinatibuk ang danyos niini. (Renante Lada, photos credits to the owners)
