Padayon ang search, rescue ug retrieval operations sa landslide-affected area sa Barangay Binaliw, Cebu City, sumala sa pahibalo sa Cebu City Police Office (CCPO) alas 7:25 sa buntag, Enero 10, 2026.
Base sa opisyal nga report, upat (4) ka personalidad na ang kumpirmadong namatay tungod sa landslide. Samtang 34 pa ang gihapon ang na missing, padayon ang paningkamot sa mga awtoridad aron sila makit-an ug matabangan sa labing dali nga panahon.
Sa laing bahin, 12 ka mga residente ang luwas nga na-rescue pinaagi sa tinabangay nga operasyon sa kapulisan, Bureau of Fire Protection, City Disaster Risk Reduction and Management Office, ug uban pang rescue teams.
Gipasalig sa CCPO nga magpadayon ang ilang koordinasyon uban sa lokal nga pangagamhanan ug mga kaabag nga ahensya aron masiguro ang kaluwasan sa mga responder ug sa komunidad.
Giawhag usab ang publiko nga magmatngon ug mosunod sa mga pahimangno sa otoridad, ilabi na sa mga lugar nga delikado sa landslide.
Source: CCPO
I via Renante Socia Lada