Usa ka 40-anyos nga lalaki, nga giila sa alias nga “Raul”, residente sa Barangay Tominjao, Tuburan, Cebu, ug walay trabaho, nasikop sa Tracker Team sa Tuburan Municipal Police Station niadtong nakalabay nga adlaw sa usa ka intelligence-driven operation sa Barangay Tominjao.
Ang suspetsado gi-akusar sa Robbery with Force Upon Things, ug ang Warrant of Arrest gi-isyu sa Regional Trial Court, Seventh Judicial Region, Branch 99 sa Toledo City, Cebu, nga nag-rekomendar og ₱72,000 nga bail. Ang operasyon kabahin sa Simultaneous Anti-Criminality Law Enforcement Operation (SACLEO), nga nagpakita sa padayon ug hugot nga kampanya batok sa mga wanted persons sa probinsya.
Gidayeg ni PCOL Abubakar Udang Mangelen Jr., Provincial Director sa Cebu Police Provincial Office, ang mga personnel sa ilang paspas ug epektibong aksyon, ug giingon nga padayon ang CPPO sa pagpangita sa mga wanted individuals aron masiguro nga matuman ang hustisya.
Gipahimangnoan usab sa mga otoridad ang publiko sa padayon nga kooperasyon ug suporta pinaagi sa pag-report sa kadudahang kalihokan, aron mapadayon ang kalinaw ug kahapsay sa komunidad sa tibuok probinsya.
Source: CPPO
I via Renante Socia Lada