Wala nay kinabuhi nga napalgan sa usa ka residenti ang supervisor sa Cebu Electric Cooperative (CEBEECO) sa kasagbutan.
Pasado alas 9:00 kagahapon sa buntag, Septembre 27, 2023, didto sa Purok Macopa, Sitio Laray, Barangay Anonang Norte, siyudad sa Bogo.
Ang biktima giila sa Bogo City Police Station nga mao si Samuel Essex Camat Minguez, 39 anyos ang panuigon, residenti sa Villa Casita, Barangay Lapaz, sa mao ra nga dakbayan.
Sa inbestigasyon sa Bogo City Police Station, nasayran nga nakit-an ni Ely Montesclaros ang biktima sa dihang nitubag kini sa sugo sa lawas.
Mahimumduman nga tulo na ka adlaw nga na missing si Minguez kinsa katapusang nakit-an didto sa siyudad sa Sugbo.
Sakay kini sa iyang motorsiklo nga gituhuang nabangga sa usa ka kahoy na maoy hinungdan sa grabing kadaot sa lawas ug namatay.
Sa pagkakaron padayon ang inbestigasyon sa kapulisan may labot sa maong aksidenti.
(Renante Socia Lada, photo credits to the owner)