Cebu City – Gibutyag sa kampo ni kanhi Tourism Sec. Joseph Felix Mari “Ace” Durano nga dili siya mo atras sa legal battle nga iyang gi-atubang kalabot sa wall calendar project.
Mo-apela si Durano ug ang lima ka kanhi Department of Tourism (DOT) officials ngado sa Supreme Court (SC).
Kini human ang Sandiganbayan mi dismissed sa motion nga gisang-at ni Durano, nga nagtinguha unta nga mabali ang desisyon sa kasong graft nga iyang gi-atubang.
“This development is just part of the process. As mentioned last December, we are seeking all legal remedies and will be filing an appeal with the Supreme Court as this decision is still not final and executory,” mensahi ni Durano.
Gibasura sa anti-graft court ang motion for reconsideration ni Durano human kini ma konbikto gumikan sa kalapasan Anti-Graft and Corrupt Practices Act kalabot sa P2.7 million wall calendar project sa dihang siya pa ang Tourism Secretary niadtong tuig 2018.
Ang desisyon gi promulgate sa Sandiganbayan Seventh Division niadtong Enero 18, 2022, ug pinirmahan ni Associate Justice Georgina Hidalgo.
Lakip sa mga respondents sila si Oscar Policarpio Palabyab, Grace Reyes Yoro, Eduardo Alvarez Jarque Jr., Evelyn Respicio Cajigal ug Adriana Mesa Flor, pulos mga kanhi opisyal sa DOT.
Namahayag si Durano nga masaligon ang iyang kampo nga sa sunod higayon, ang ruling anha na mopabor kanila.
“We’re optimistic that we will attain a favorable response because we’re confident that the project in question when I was DOT secretary over a decade ago went through the proper process,” dugang mensahi ni Durano.
Basi sa 20 ka pahina nga ruling, ang korte nagkanayon nga ang argumento nga gisandigan sa mga respondents dili igo aron pag dismiss sa conviction ngadto kanila.
Alang sa korte nga ang ilang justification nga gibarugan sa motion for reconsideration gihulagway nga, “mere rehash of the basic issues and positions raised by the parties and exhaustively passed upon, duly considered, and resolved by this Court in the Decision to sought out to be reconsidered.”
Gihumug-atan sab sa korte nga isip public officials kinahanglan sayud sila sa ilang responsibilidad sa pagpahigayon ug bidding sa mga proyekto nga gipundohan sa goberno ug masiguro nga ang tibook proseso pinasubay sa Government Procurement Reform Act (GPRA) o ang Republic Act No. 9184.
“…the rules on competitive public bidding and those concerning the disbursement of public funds are imbued with public interest. Government officials whose work relates to these matters are expected to exercise greater responsibility in ensuring compliance with the pertinent rules and regulations,” tipik ug kabahin sa ruling sa korte.
“The GPRA has been in effect since January 26, 2003. It was not a new law when the project was undertaken. It confounds the Court how none herein accused apparently knew or understood their tasks,” dugang niini.
Una niini ang Ombudsman, naka kita ug probable cause pagpasaka ug kaso ni Durano ug kanhi mga membro sa DOT Bids and Awards Committee (BAC), gumikan sa giingong wala pagsubay sa bidding process sa wall calendar project niadtong 2008 nga mibalor ug P2.7 million.
Ang Sandiganbayan sa ilang desisyon, naka hukom nga guilty ang mga respondent sa gitawag nga “undue advantage to PDP Digital Inc.” sa back-to-back wall-calendar nga tipik sa promotional campaign sa departamento.
l via Jhon Tadlip
Source/Photo: Sandiganbayan Seventh Division
