Ubay-ubay na usab ka mga Barangay sa Region-7 ang nalakip sa Barangay drug cleared.
Kagahapong adlawa, Abril 13,2023, gi anunsyo sa Regional Oversight Committee on Barangay Drug Clearing ang laing mga kandidato nga barangay nga nalakip sa drug-cleared.
Diin adunay 87 ka mga barangay sa Central Visayas ang gipasidunggan gumikan kay drug-free na kini.
Nagagikan kini sa mga barangay sa Bohol, Cebu Province, Negros Oriental ug sa Dakbayan sa Sugbo.
Ang maong mga barangay adunay mga presensya sa mga durugista kaniadto apan naka pasar kini sa rekisitos nga gipangita sa PNP ug PDEA.
Sa kinatibuk-an aduna nay 1,444 ka drug-cleared barangay ang Central Visayas.
Gilauman nga madugangan pa kini pinaagi sa tabang sa kumunidad nga mutaho sa ngadto sa mga otoridad kung adunay presensya sa mga durugista sa ilang lugar. (Renante Lada, photo credits to the owner)