Cebu: Reblocking ipatuman sa dili pa makabalik ug tukod ang mga nasunugan sa Sitio Paradise sa Mandaue

0
1

Cebu City – Mipatawag ug usa ka Emergency Meeting si Mandaue City Mayor Jonas Cortes ngadto sa mga sakop sa Disaster Risk Reduction Management Council.

Uban sa maong tigom ang nagkadaiyang ahensya sa goberno ug mga departamento sa kagamanhanan sa Dakbayan sa Mandaue.

Sentro sa gihusgutan ang angayang buhaton sa pagpahimutang sa mga biktima sa sunog ug ang pagpahigayon ug paspas nga clearning operation sa lugar nga nasunugan sa Sitio Paradise Barangay Looc.

Gitahasan ni Cortes ang TASK FORCE REBLOCKING nga gilangkuban sa City Plannng, City Engineering, BFP, DRRMO ug Barangay Looc sa pagpahigayon ug paspas nga pag reblocking sa lugar nga anaa na gyuy tarong road network.

Gituki sab sa maong tigom ang paghimo og pakisusi sa insakto nga datus sa ihap sa tinuod nga mga biktima sa sunog aron hapsan ang pagpanghatag sa mga hinabang.

Gihisgutan sab ang paghimo og mga inisyatiba sa pagtigum og pundo apil na ang pagkwenta sa mga donasyon aron mahatag ngadto sa mga nasunogan.

Gipahibaw sa mayor nga usa sa rason sa pagpatawag og tigum sa DRRM Council aron tun-an ang mga pamaagi sa pagresponde kong adunay kalamidad.

Tumong sa mayor nga mas mapalapdan pa gyud ang kahibaw sa mga concerned agencies ug departments sa natad sa emergency response.

Ang DRRM Council gilangkuban sa PNP, BFP, DILG, DepEd, MCCI, DRRMO, City Planning, City Health, CSWS, DGS, OSM, ABC ug City Council. (Jhon Tadlip)

(News & photo courtesy by Mayor Jonas Cortes)

LEAVE A REPLY

Please enter your comment!
Please enter your name here