Ang Hepe sa Philippine National Police (PNP), Police General Rommel Francisco D Marbil, ug PRO-7 Regional Director Police Brigadier General Anthony Aberin nihatag sa ilang katapusang respeto ngadto sa namatay nga Police Staff Sergeant Orvin Seth Lim Felicio sa Sacred Heart Chapel, V. Jakosalem St., Cogon, Ramos, Cebu City niadtong Hulyo 31, 2024.
Isip pag-ila sa talagsaong nabuhat sa kabayanihan ni PSSg Felicio, siya gipasidunggan sa PNP Heroism Medal (Medalya ng Kadakilaan) tungod sa iyang pag-una ug lapas pa sa tawag sa katungdanan, pagpakita sa talagsaong kaisog sa dakong risgo sa iyang kaugalingong kinabuhi.
Ang kinatas-ang mga opisyal nipadangat sa sinsero nga pahasubo sa namatyan nga pamilya ug mitanyag ug espesyal nga tabang pinansyal. Dugang pinansyal nga suporta ang gipaabot usab sa ubang PNP financial institutions sama sa Public Safety Mutual Benefit Fund Inc.(PSMBFI) ingon man sa PRO-7 Headquarters, Mandaue City Police Office (MCPO), ug Police Station 5 sa MCPO.
Sa usa ka pamahayag, si PRO7 Regional Director Police Brigadier General Anthony Aberin nipasalig sa pamilya sa paghatag sa gikinahanglang benepisyo.
Si PSSg Felicio nagpakita og talagsaong kaisog samtang nitabang sa mga barangay tanod sa dakbayan sa Mandaue. Siya namatay nga gipusil sa usa ka armadong menor de edad nga nakalapas sa curfew. Ang iyang sakripisyo naglangkob sa labing taas nga lebel sa serbisyo ug dedikasyon sa pagpatunhay sa kalinaw ug kahapsay sa publiko.
“We are deeply saddened by the untimely demise of a dedicated officer, who, even in the most unexpected instance, performed his duty as a law enforcer. His dedication to his duty is deeply moving and we take inspiration from his supreme sacrifice. We shall carry on with our duties of preserving the peace, bearing in our hearts and minds PCpl Felicio’s selflessness and sacrifice,” he said.
I via Renante Socia Lada