Usa ka malampusong operasyon ang nahimo sa Police Regional Office 7 batok sa ginadiling drugas, sugal, dili lisensyadong armas ug mga pinangita sa balaod
Ang operasyon niresulta sa pagkasikop sa 324 ka mga indibidwal ug pagkasakmit sa ilegal nga drugas nga mobalor sa PhP3 milyones.
Atol niini nga operational initiative, nikabat sa 108 ka mga drug personalities ang nasikop ug ang mga awtoridad sa balaod nakakumpiska og 446.73 gramos sa illegal nga drugas, sukad niadtong Oktobre 14 hangtod Oktobre 16, 2024.
Dugang pa, ang pagsumpo sa mga operasyon sa ilegal nga sugal nisangpot sa pagkasikop sa 101 ka mga indibidwal, uban ang pagkumpiska sa PhP8,128.00 nga bet money ug illegal gambling paraphernalia.
Samtang 81 usab ka walay lisensya nga armas ang nasakmit, ug onse ka mga tawo ang nasikop.
Nadakpan usab sa maong operasyon ang 17 ka most wanted person ug 87 ka mga indibidwal nga adunay pending nga warrant of arrest.
Si PBGEN ANTHONY ABERIN, PRO-7 Regional Director, nidayeg sa iyang mga sakop sa maong kalampusan.
“The combined efforts of various law enforcement agencies and community stakeholders demonstrate a shared dedication to ensuring the safety and security of the people of Central Visayas,” dugang ni PBGen. Aberin. (Renante Lada and Ting Joe Pepito)
(Source: PRO-7)