Cebu City- Labing menus walo ka mga local government units (LGUs) ang mi deklara ug suspension sa tanang matang sa classes-limited in-person o online-sa tanang levels Lunes, Abril 11, 2022 gumikan sa baryong Agaton (Megi).
Kini naglakip sa mga syudad sa Sugbo, Lapu-Lapu, Mandaue, Danao, Talisay ug Carcar, apil sab ang munisipalidad sa Daanbantayan.
Ang Cebu Provincial Government mimando sab sa pagpa suspenso sa klase sa tanang levels sa lalawigan, adlawng Lunes; ang Cebu Province wala maglakip sa mga highly urbanize cities sa Sugbo, Mandaue ug Lapu-Lapu.
Gisuspenso sab sa syudad sa Sugbo, Talisay ug Danao ang trabaho sa government offices; lakip nga mimando ang Syudad sa Sugbo pagpa suspenso sa trabaho mga pribadong kompaniya.
Hinoon ang mga business process outsourcing firms mamahimong makapadayon sa pag operate basta lang maka siguro sila sa safety sa ilang mga trabahante.
As of 11:30 sa buntag, adlawang Lunes, ang Cebu City Disaster Risk Reduction and Management Office mi responde ug 41 ka mga emergencies sukad sa pag landfall sa bagyong Agaton : 16 ka mga reported fire incidents gikan sa damage nga mga poste sa kurente; 11 ka mga minor rockfall/landslide incidents; 7 fallen tree incidents/road obstruction; 2 ka reported flooding; 2 reported collapsed structures; 1 gika taho nga stranded passenger; 1 motdor vehicular accident (MVA)
Gumikan sa way hunong nga pag uwan, naka mugna kini ug landslides sa Syudad sa Sugbo ug Balamban samtang duna say nalunod nga barko sa pantalan sa Consuelo, Camotes, pagka Domingo.
Giklarar ni Mayor Michael Rama ang dakbayan nga ubos sa “state of calamity” pagka Domingo, Abril 10, gumikan sa padayon nga pag uwan dala sa bagyong Agaton, hinungdan nga gipa bakwit sa syudad ang mga residente nga nagpuyo dool sa mga kasapaan.
Nalunod nga barko
Niadtong Domingo sa, usa ka roll-on roll-off RoRo) vessel nga dunay 14 ka mga crew member ang nalunod pasado ala 1:30 sa hapon,s samtang naka dock sa Consuelo Port sa San Francisco Camotes; Gikonpirma sa Philippine Coast
Kusug nga hangin ang mihapak ug ang dagkong mga bawod maoy gitumbok nga hinungdan sa pagka lunod.
Luwas hinoon ang tanang mga tripolante ug way mga pasahero atol sa hitabo.
Sitwasyon sa ubang LGUs
Sa lungsod sa Balamban, dunay landslide sa boundary sa barangay Sunog ug Cansomory, hinungdan nga gipadalhan ang lugar ug backhoe pag hawan sa karsada.
Samtang sa Danbantayan, gimando ni Mayor Sun Shimura ang pagpa suspenso sa klase sa public ug private , Lunes, Abril 11, 2022.
Gimandoan sab sa mayor pagka Domingo sa gabii ang Municipal Disaster Risk Reduction and Management Office (MDRRMO ) pagpahigayon ug preemptive evacuation sa mga resident sa coastal areas ug temporaryong gipahimutang sa mga tunghaan.
Ang Danao City Government lakip nga mipa suspenso sa trabaho sa ilang buhatan, vaccination drive ug ang mga klase sa mga tunghaan.
Kadtong mga emergency frontliners, gipatungha sa ilang trabaho aron pag monitor sa mga lugar nga prone sa baha ug landslide sa mga bukiran ug nga coastal barangays.
Gihatagan hinoon ug discretion pagpa suspenso sa ilang trabaho ang naa sa mga pribadong kompaniya, depende sa management, pero si Mayor Ramon Durano III mipahimangno nga ilang huna hunaon ang seguridad sa ilang mga empleyado ug ilang tagsa tagsa ka mga pamilya.
Sa ilang bahin, si Medellin Mayor Benjur Mondigo wala mopatuman ug forced evacuation sa ilang mga residente as of 5:34 kagahapon sa hapon; Hinoon, matod ni Mondigo, nga ilang gi monitor ang ilang LGU sa posibling pag baha.
Ang mga personnel sa Mandaue City DRRMO u gang City Social Welfare Services (CSWS) mi andam sab sa ilang mga ekipo ug mga food packs alang sa posibling evacuation sa ilang mga residente.
Matod ni Atty John Eddu Ibanez, executie secretary ni Mayor Jonas Cortes nga walay forced evacuation nga gipatuman sa mga residente nga nagpuyo dool sa mga sapa tungod kay wala pa moabot sa critical level ang tubig sapa.
Dunay roving operations ang CDRRMO sa mga barangay dool sa Butuanon River ug Mahiga Creek ug coastal areas tungod kay gikonsidera kini nga mga flood-prone areas ug danger zone sa syudad.
Sa dakbayan sa Lapu-Lapu, si DRRMO chief Nagiel Banacia, mipahibaw nga walay risgo nga lugar sa syudad tungod kay wala kini mga sapa ug way mga lugar na peligro sa pag dahili.
l via Jhon Tadlip
Source/Photo: Disaster Office of respective LGUs