Cebu: Pipila Ka Mga Barangay Sa Lungsod Sa Sogod Naka Sinate Ug Kusug Nga Pagbaha Ug Landslide; Good Samaritan, Lakip Na Ang Kapitolyo Nagtinabangay Alang Sa Mga Apektado

0
333

Cebu City – Gisusi sa kagamhanan sa Lalawigan sa Sugbo, Oktubre 26, 2021 ang mga lugar sa Lungsod sa Sogod nga apektado sa flashflood ug landslide kagahapon.

Gisaad ni Governor Gwen Garcia nga mo assist ang Kapitolyo sa pag rehabilitate sa mga karsada ug mga balay nga nanga guba, partikular na sa Sitio San Lorenzo, Barangay Poblacion ug Damolog nga maoy labing apektado.

Uban ni Garcia si Engineer Hector P. Jamora, Provincial Engineer, aron sa pagsusi ug unsay lakang aron mapugngan ang mas dako nga danyos sa higayon nga dunay sunod nga dakong kalamidad nga mo-igo, partikular na ang pagsaka sa tubig kong kusug ang uwan.

Didto sab sila si Congressman Duke Frasco, Board Member Michael Villamor ug Vice Mayor Munyee Stregan ubang ni Garcia, pagtan-aw sa sitwasyon ug unsay mahimo sa ilang tagsa tagsa ka buhatan.

“May gali buntag to…ug gabii kuyaw kaayo,” obserbasyon sa pipila ka mga residente sa lugar.

Ang Sitio San Lorenzo, nga dool sa tulay dunay naka butang abiso nga flash flood prone area.

Sigon pa sa mga residente nga nasinate sab sa lugar ang  kusug nga baha niadtong tuig 1994.

Atol sa hitabo pasado alas 5 kagahapon sa hapon, kalit ang pagsaka sa tubig baha sa lugar nga lapas sa hawak ang gitas-on, hinungdan nga dunay mga sakyanan ug mga motor nga nanglutaw.

Duna say water refilling station nga imbes mag operate na, wala madayon kay nabahaan ug laing water refilling nga wa pa mag usa ka buwan sukad pag operate ang apektado.

“Kami naglaum gyud nga maka dawat sa pagpangga sa gobernador pinaagi sa mayor ug congressman,” mensahi sa usa ka residente nga apektado sab sa baha.

Pipila ka kabalayan ug propredad ang nanga guba ug mga hayupan ang nanga matay sa maong hitabo.

Good Samaritan

Mipa-ambit sa ilang ginagmay nga tabang ang pipila ka mga good Samaritan ngadto sa mga pamilya ug indibidwal nga apektado sa hitabo, pinaagi sa pagtunol ug food packs ug mga tsenilas.

Didto kini sa St. James the Apostle Parish, nga maoy gihilong temporary shelter.

Mitonol sab si Garcia ug pasiunang P20,000 nga cash assistance matag pamilya gikan sa Kapitolyo.

Samtang si Gubernatorial aspirant Ace Durano ug congressional aspirant Red Durano mi apod apod sab ug food packs ug mga t-shirts didto sa gym.

“Wa mo mag-inusara,” pasalig sa gobernador ngadto sa mga biktima.

Gisaad ni Garcia nga tabangan ang mga pamilya nga nanga guba ang mga balay hangtod nga makabangon gikan sa kalamidad, pinaagi sa paghatag ug sin, plywood ug ubang housing materials, dugang kini sa gipanghatag nga mga bugas, canned goods, noodles, hygiene kits, kitchen utensils ug uban pa.

(News & photo courtesy of Sugbo News | Municipality of Sogod)

LEAVE A REPLY

Please enter your comment!
Please enter your name here