Cebu City – Gisupak sa ubay ubay nga mga kompaniya ang petition sa pagpa umento sa daily wage sa mga workers sa Central Visayas, samtang dunay uban nga mi-uyon apan sa mas ubos nga amount.
Ang Mactan Export Processing Zone Chamber of Exporters and Manufactures (MEPZEM) lakip sa mga mipadayag sa ilang pagsupak atoll sa public consultation nga gi organize sa Regional Tripartite Wages and Productivitiy Board (RTWPB)-7, Martes, Marso 22, 2022. “Zero increase to prevent sinking,” matod ni MEPZCEM director Porferio Montesclaros.
Nagkanayon si Montesclaros nga ang mga business nag-antus sab sa epekto sa Covid-19 pandemic, bagyong Odette, u gang nagsaka nga presyo sa fuel nga naka tampo sa presyo sa raw materials ug logistical costs.
Alang sa director sa MEPZCEM nga pareho ang mga workers ug business owners sa samang sitwasyon ug ang pagpa umento sa sweldo ning higayona, maka paunlod sa sa tanan.
Samtang alang sa Philexport-Cebu ang gipangayo nga umento sa mga petitioners dako ra ug sukwani kini sa pipila ka mga programa sa goberno.
Gipahibaw sa ilang representanti nga naglisod ang patigayon bisan man lang sa pag barug; gikan sa 365 ka mga membro ang Philexport karon duna na lay 233.
Sa maong gidaghanon sagad niini nga small and medium enterprises (SMEs).
Sa ilang bahin ang Mandaue Chamber of Commerce and Industry (MCCI) mipaambit sab sa sa ilang sentimento, ug matod pa 80 porsento sa ilang mga membro nga SMEs naglisod gihapon sa pag recover kinsa katunga niini mo rehire pa sa ilang mga workers.
Alang sa chamber nga ang wage increase maka discourage sa mga investors pagbubu sa ilang pohonan sa Sugbo ug maka bugaw kanila ngadto sa ubang mga lugar.
Duna karoy gi atiman nga upat ka mga wage hike petitions ang RTWB-7 nga naglakip sa:
-Trade Union Congress of the Philippines (TUCP), nga nanagayo ug dugang P430 sa inadlawng suholan sa mga trabahante;
- CELAC, nangayo ug dugang P308 sa inadlawng suholan;
- Dunay say duha ka laing grupo nga miduso ug P750 minimum nga inadlawng suholan sa Rehiyon 7.
Ang Cebu Chamber ug Commerce and Industry (CCCI) sa ilang bahin, misugyot sa ilang gihulagway nga other “methods and solutions” nga mahimong mapatuman aron maka recover ang mga kompaniya.
“We propose job restoration first, second job creation. We believe that job restoration and job creation will lead to more employment. This will benefit families because instead of only one member of the family, other members can find jobs,” sugyot sa CCCI.
PAUBSAN
Ang Shipyard Association of Cebu wala misupak sa petition apan alang kanila dako ra kaayo ang gipangayo nga umento.
“Our workers need an adjustment but the industry was badly hit sad sa pandemic ug sa bagyo. We sympathize with labor but we hope naay adjustment but not that big lang gyud,” matod sa ilang representanti.
Mipadayag sa ilang bahin ang Cebu Contractors Association nga dili sab sila supak sa wage increase apan alang kanila nga ang maong umento sa mamahimong mapasa ngadto sa mga customer ug mo resulta sa “fewer developments” ug mosango sa gamay na lang ang mga trabahante nga ma hire.
Pipila ka mga progsibong pundok ug labor group nga naglakip sa Bayan Central-Visayas ug AMA KMU-Sugbo ug ALU-TUCP ang mi suporta sab sa gipangayo nga wage increase.
‘PANG HADLOK’
Alang kang Eva Arcos, national vice president sa Associated Labor Unions-Trade Congress of the Philippines, nga ang gihimo sa mga kompaniya ‘scare tactics’.
“Please, let’s stop these scare tactics about companies closing if wage increase is granted, no matter the amount,” padayag ni Arcos during the consultation.
“The current minimum daily wage of P404 can provide workers and their families nothing but nutritionally deficient survival meals,” dugang mensahi ni Arcos.
DESISYON
Gipahibaw ni Atty. Evita Mendoza-Balane, OIC Board Secretary sa RTWPB-7 nga molanat pa ug labing menus usa ka buwan una pa maka luwat ug desisyon ang board.
“The board will decide valid ba ang petition and, after that, we might schedule na the public hearing. So as per the rules, we have to publish it first… after 15 days, we can proceed with the public hearing so we have a maximum of 45 days… it could be shorter depende sa pag-schedule bitaw nato later. It could be shorter than 45 days and, after that, we are given a maximum of 30 days to decide,” pasabot ni Balane. (Jhon Tadlip)
(News & photo courtesy of RTWPB-7 | MCCI | CCCI)
