Cebu: Patay nga lawas sa usa ka lalaki napalgan likod sa tunghaan didto sa lungsod sa Medellin

0
16

Manimaho ug paingon na sa pagkadugta nga napalgan ang usa ka lalaki nga Senior Citizen.

Didto kini nakit-an likod sa tunghaan sa Medellin Central School, Barangay Poblacion, lungsod sa Medellin, probinsya sa Sugbo, pasado alas 12:00 kagahapon sa udto, Nobembre 10, 2023.

Ang biktima giila sa mga kabanay ug kapulisan sa Medellin Police Station nga mao si Wilson Tubos, 61 anyos ang panuigon, menyo, residenti sa Sitio Tawagan, sa mao ra nga barangay ug lungsod.

Sa imbestigasyon sa kapulisan nga gipangita sa mga magtutudlo ang baho likod sa ilang tunghaan.

Apan nakugang nalang sila sa ilang nakita nga adunay lalaki nga way sapot ug wala nay kinabuhi.

Sa pagkakaron padayon gisuta sa kapulisan kung unsay motibo sa maong krimin ug si kinsa ang nipatay ni Tubos. (Renante Renante Socia Lada)

 

Leave a Reply