Gipatawag ni Cebu Gobernador Gwen Garcia ang mga mayor ug mga opisyalis sa turismo gikan sa 52 ka mga LGU’s sa Pasigarbo sa Sugbo 2024 sa Kapitolyo niadtong Agosto 2, 2024
Uban sa iyang panawagan nga sila “mag-level up” sa ilang mga pasundayag, diin ang Kapitolyo nigahin og P159.5 ngadto sa mga LGU.
Sa maong kantidad, P3 milyones ang gigahin alang sa matag usa sa 45 ka LGU’s nga nahimutang sa mainland Cebu, lakip ang tri-cities sa Sugbo, Lapu-Lapu, ug Mandaue.
Ang pito ka mga isla nga lungsod sa Bantayan (Santa Fe, Bantayan, ug Madridejos) ug Camotes (Pilar, Tudela, Poro, ug San Francisco) makadawat ug ₱3.5 milyones tungod sa ilang dugang gasto sa pagbiyahe.
Ang maong subsidy gikan sa Kapitolyo dako og pag uswag kumpara sa niaging tuig 2023, diin P2 milyones lang sa mainland ug P2.5 sa mga lungsod nga anaa sa isla sa Sugbo.
Ang mga subsidyo gituyo aron mabayran ang mga gasto sa paghiusa sa Pasigarbo sa Sugbo contingents nga magpakita sa ilang mga nagkadaiyang mga pasundayag sa ilang mga atraksyon sa turismo ug mga heritage sites, culinary ug kultural nga bahandi, ingon man ang pagka maabiabihon ug debosyon sa katawhan.
Dugang pa, ang mga subsidyo usa ka pag-inject sa bag-ong kapital sa lokal nga ekonomiya sa mga LGUs, tungod kay kini makatabang sa pagbayad sa mananahi nga mohimo sa mabulukon nga mga costume; ang mga artesano nga magtukod sa mga gamit; ang mga tighatag sa serbisyo sa pagkaon; mga musikero nga nagkomposo sa mga jingles; ingon man mga creative director, koreograpo, ug mga mananayaw — nagtabang sa pagdasig sa lokal nga merkado.
“Kini usa ka seryoso kaayo nga kalihokan sa ekonomiya nga nagpadako sa ekonomiya sa matag lokal nga yunit sa gobyerno,” ingon ni Gov. Gwen. “Naglihok kami, nagsaka sa taas nga kataas!”
Ang street dancing ug ritual showdown mahitabo sa Agosto 25, 2024, diin ang awarding ceremony gikatakda sa sunod adlaw sa maong petsa, uban ang pagbalik nga pasundayag gikan sa mga mananaog nga contingents. (Renante Socia Lada)
(Source: Sugbo News)