Wala nay kinabuhi nga nakit-an ang usa ka negosyanti nga naligo sa kaugalingon niyang dugo human gipusil.
Ang krimin na diskubri-an pasado alas 11:00 sa niaging gabii, Hulyo 28, 2023, didto sa Barangay San Miguel, lungsod sa Cordova.
Ang biktima giila sa Cordova Police Station nga mao si Glecerio Andales Untal Jr., 42 anyos ang panuigon, residenti rapud sa maong lugar.
Sa inbestigasyon sa kapulisan nasayran nga mga pasado alas 9:00 sa gabii nadunggan sa iyang pag umangkon ang buto-buto sa armas de fuego apan wala kini gipanumbaling.
Pag uli na sa anak sa biktima didto na niya nakit-an nga nag buy-od na sa sala ang iyang amahan nga adunay samad sa ulo ug sa dughan.
Gisulayan pa unta kini pagdala sa pinakaduol na hospital apan wala na kini kinabuhi.
Sa pagkakaron padayon ang inbestigasyon sa kapulisan kabahin sa maong krimin aron pagsuta sa motibo ug si kini ang nihimo niini. (Renante Lada, photo courtesy of Cordova Police Station)