Usa ka panagtigum ang nahitabo kagahapong adlawa, Septembre 15, 2023 didto sa dakbayan sa Sugbo, diin gipatawag ni Ret/Gen Roy Cimatu ang mga technical working group ug mga river commanders.
Tumong ug tuyo na ma hisgutan ang pag uwan nga nahitabo karong semanahuna diin daghang mga lugar sa siyudad sa Sugbo ang nakasinati sa pagbaha.
Nakita sa assessment atol sa maong panagtigum nga wlay mga sapa ang niawas atol sa kusog nga pagbunok sa uwan nga maoy mapasanginlan nga hinungdan sa pagbaha.
Matod pa nga tungod kini sa massive nga declogging, dredging og desilting sa mga sapa ug mga drainage na maoy nakatabang na dali na lang mohubas ang tubig sa baha.
Gitataw ni Cimatu na ang nahitabong pagbaha sa Gaisano Countrymall sa Barangay Banilad niadtong adlaw na Lunes, dili ang pag-awas sa sapa apan tungod sa ilang gagmay nga mga drainage ilabi na sa may parking area.
Segon ni deputy commander sa task force Ret/Col Jefferson Omandam na ang hinungdan sa pagbaha sa Countrymal ltungod sa ilang gagmay nga mga drainage ilabi na sa may parking area ug tag-as usab nila nga mga koral sa palibot.
Giawhag karon ang tagdumala sa maong mall nga palambuon ang ilang parking area dili na masubli pa ang nasinati nga problema sa grabing pagbaha. (Renante Lada)
(News & photo courtesy of Cebu City PIO)