Naluwas sa buhatan sa Parian Police Station 1 gipanguluhan ni PMAJ ALVINO B ENGUITO ang usa ka menor de edad nga batang lalaki sa gihimong anti-illegal drug operation sa kapulisan niadtong Disyembre 28, 2025 didto sa Sitio Riverside sakop sa Brgy. Lorega San Miguel ning dakbayan sa sugbo.
Ang narescue nga menor de edad nasakmitan ug nagkadaiyang pakete sa gitoohang shabu nga mukabat sa PHP1,462,000 ang balor nga adunay 215 gramos ang timbang kauban ang drug bust money ug sling bag nga gitoohang container sa maong drogas.
Ang naluwas nga menor kasamtangan nga gipailalum sa kustodiya sa Parian Police Station 1 sa buhatan sa WCPD alang sa dugang proseso legal. Nag-atubang sa kasong pagpamaligya ug paghupot ug ginadiling drogas ang maong menor ubos sa RA 9165 o Comprehensive Dangerous Drugs Act of 2002.
Si Cebu City Police Office Officer-in-Charge PCOL GEORGE V YLANAN nipasalig sa publiko nga magpabiling hugot ang kapulisan sa kampanya batok iligal nga droga ug kriminalidad aron mamintinar ang kahapsay ug kalinaw ning dakbayan sa sugbo.
Source: CCPO
I via Renante Socia Lada