Niadtong Marso 4, 2025, sa alas 7:57 sa gabii, usa ka buy-bust operation ang gihimo sa mga personahe sa City Intelligence Unit (CIU) sa Mandaue City Police Office (MCPO) uban sa koordinasyon sa Philippine Drug Enforcement Agency (PDEA) sa Zone 7, Barangay Mantuyong, Mandaue City.
Ang operasyon miresulta sa pagdakop sa usa ka 62-anyos nga lalaki nga nailhan sa alyas nga “Ackoie,” residente sa F. Sabellano, Barangay Quiot Pardo, Cebu City. Si “Ackoie” giila isip usa ka high-value individual (HVI) nga suspek sa pagpamaligya og ilegal nga drogas.
Gikan sa operasyon, nakuha ang gibanabana nga 1.5 ka kilo nga shabu nga nagkantidad og P10,200,000. Sumala sa imbestigasyon, si “Ackoie” nagbaligya og mga 1 hangtod 2 ka kilo nga shabu matag semana sa mga lugar sa Cebu City, Mandaue City, ug Lapu-Lapu City.
Ang Barangay Quiot Pardo sa Cebu City, diin nagpuyo si “Ackoie,” nailhan nga adunay mga kalihokan nga may kalabutan sa ilegal nga drogas.
Sa pagkakaron padayon nga paningkamot sa mga otoridad sa pagpakunhod sa problema sa ginadiling drugas ug pagsuta kung si kinsa ang tig supply og ginadiling drugas sa dinakpan. Samtang guabdam na usab ang tukmang kaso batok sa dinakpan.
📸 MCPO
I via Renante Socia Lada
Renante
Renante Socia Lada