Cebu: Mayor sa dakbayan sa Sugbo ug sa Mandaue nagtagbo para pagsulbad sa problema sa baha

0
1

Nagtagbo kagahapong adlawa Decembre 2,2022, sila si Cebu City Mayor Michael Rama ug Mandaue City Mayor Jonas Cortes aron magkahiusa sa pagsulbad sa problema sa baha sa duha ka dakbayan.

Gihimo kagahapong adlawa ang usa ka Transboundary River Rehabilitation Collaborative Planning Workshop diin ang nahimong sentro sa panagsabot-sabot ang pagsulbad sa dako nga problema sa baha.

Segon sa Mandaue City PIO nga mensahi sa mga Mayor ang “Paghimo og insaktong sistima sa drainage nga magdugtong sa Cebu City ug Mandaue City, insakto nga paglabay sa mga basura ug pagpananum og kahoy maoy nakita nga sulbad sa problema sa baha.”

Gusto nila ni Rama ug Cortes nga ipadayon ang paghimo sa Clean-Up Operations sa Butuanon River ug Mahiga Creek aron malikayan ang baha.

“Sa State of the River Report ni Mandaue City Environment & Natural Resources Office OIC Arch. Araceli Barlam iyang giklaro ang mga concern sa kagamhanan sa Mandaue City sa pagpahiluna sa mga informal settlers kilid sa sapa, ang paghimo og physical planning sa sapa, ug ang pagbutang og slope protection sa sapa, ingon man ang pagmintinar sa kalidad sa tubig sa sapa, aron pagseguro sa kaluwasan.” Matud pa sa Mandaue City PIO.

Mahinumduman nga ang duha ka mga dakbayan kanunay ma apiktuhan sa grabing pagbaha labi na panahon sa kusog nga uwan diin daghang mga residenti ang maapiktuhan niini. (Renante Lada)

(News & photo courtesy of Mandaue City PIO)

LEAVE A REPLY

Please enter your comment!
Please enter your name here