Human sa pipila ka adlaw na mga post ug share diha sa social media nailhan na gyud ang riding in tandem na manag-uyab nga nanulis.
Ang mga suspetsado giila sa kapulisn sa Cebu CIty Police Office nga sila si Jezrel Setosta Banzon, 43 anyos ang panuigon, nagpuyo sa Barangay Quiot, siyudad sa Sugbo ug ang iyang hinigugma nga si Erica.
Mahinumduman nga niadtong Hulyo 30, 2023, nanulis sila sa usa ka lalaki nga si Brian Oquias Labrador diin nakuha nila ang kwarta nga mukabat sa P4,900 ug cellphone niini.
Pinaagi sa tabang sa kuha sa CCTV sa Barangay Punta Princesa namay-ungan ang mga suspetsado ug natumbok kini.
Sa pagkakaron giandam na ang tukmang kaso batok sa manag-uyab na adunay sideline sa pagpanulis. (Renante Lada, photo credits to the owner)