Nahimong madugu-on ang panag away sa duha ka manag igsuon diin usa ang gidunggab patay.
Didto kini nahitabo sa Purok Thailand, Barangay Libertad, dakbayan sa Bogo, Sugbo, pasado alas 3:00 kagahapon sa hapon, Hunyo 9, 2024.
Ang biktima giila sa Bogo City Police Station na mao si Nestor Limpag, 43 anyos ang panuigon, naila usab ang suspetsado na mao si Benjie Limpag, 46 anyos ang pangidaron, pulos sila nagpuyo sa naasoy na lugar.
Sa imbestigasyon sa kapulisan sa maong Siyudad nitumaw nga ang duha ka manag igsuon nag andam para mag uling.
Nagkalalis kini ug sa tumang kasuko sa magulang nikuha kini og hinagiban dayon dunggab sa manghod na maoy hinungdan sa kamatayon niini.
Hinuon dali ra nasikop ang mamumuno sa kapulisan ug giandam na usab ang tukmang kaso. (Renante Lada | Angkol Ting Joe Pepito)