Nakabsan gyud sa kinabuhi ang usa ka lalaki nga trabahanti sa Globle Telecom human gipusil sa wala matino nga suspetsado.
Miyerkulis sa kadlawon, Septembre 20, 2023, nahitabo ang pagpamusil didto sa Pacencia Compound, Barangay Tipolo, dakbayan sa Mandaue.
Ang biktima giila sa Mandaue City Police Office, Station 2, nga mao si Chris Ever Lloyd Eduria, hingkod ang panuigon, kasamtangan nag abang sa maong lugar ug lumad nga taga Isla sa Bantayan.
Sa inbestigasyon sa kapulisan nasayran nga samtang nagduwa og cellphone ang biktima uban sa iyang mga silingan sa maong lugar kalit kini giduol sa usa ka lalaki dayon pusil kaniya.
Ang suspetsado naka helmet kini nga nipusil sa biktima na maoy hinungdan sa kamatayon niini.
Segon sa mga silingan ni Eduria nga sa wala pa nahitabo ang krimin adunay lalaki nga namaligya og mga electric fan nga iyang gikalalis kay segig balik-balik sa ilang lugar.
Sa pagkakaron gipaubos pa sa background check si Eduria aron masuta kung unsay motibo sa maong krimin.
Contributed Photo
via Renante Socia Lada