Nakalas ang usa ka lalaki human na dasmag sa kahoy daplin sa karsada, ang aksidente sa motor nahitabo kagabii, Desyembre 8, 2024, sa Barangay Busay, Dakbayan sa Sugbo.
Ang biktima mao si Antonio Rannan Pontillas Arigo, lumad nga taga-Mindanao ug kasamtangang residente sa Barangay Talamban, Cebu City, sumala sa detalye nga nakuha gikan sa iyang lisensya.
Segin sa mga saksi, si Arigo ni-overtake sa toong bahin sa karsada apan wala kini nakalihay sa usa ka punoan sa kahoy. Ang kakusog sa iyang dagan maoy hinungdan sa pagkadasmag nga miresulta sa iyang pagkamatay.
Ang mga kauban ni Arigo karon naninguha sa pagpangita sa iyang kabanay aron ipahibalo ang nahitabo. Ang iyang patay’ng lawas kasamtangang anaa sa Eternal Funeral Homes sa N. Bacalso Avenue, Cebu City.
Kini nga insidente naghatag og pahinumdom sa tanang motorista nga mag-amping ug magmatngon sa mga bukirang karsada aron malikayan ang mga trahedya. (Renante Socia Lada)