Nakabsan gyud sa kinabuhi ang usa ka lalaki human gipusil sa wala matino na suspetsado.
Ang krimin nahitabo kagahapon sa hapon, Agusto 23, 2023, didto sa Sitio Dawis, Barangay San Roque, siyudad sa Talisay.
Giila ang biktima sa Talisay City Police Station nga mao si Fidel Casinillo Suan, 31 anyos ang panuigon, menyo, nagpuyo sa Purok Maalagaron, Barangay Tabunok, dakbayan sa Talisay.
Sa inbestigasyon sa kapulisan nasayran nga samtang naglingkod ang biktima sa gimaniho nga e-bike kalit kining giduol ug gipusil sa makadaghang higayon nga maoy iyang gikamatyan.
Sa pagsusi sa kapulisan nahibaw-an nga si Suan kanhi drug Surrenderee.
Sa pagkakaron padayon ang inbestigasyon sa kamatayon sa biktima aron pagsuta kung unsay motibo ug si kinsa ang nibuhat niini. (Renante Lada, photo credits to the owner)
