Dead on the spot ang usa ka lalaki human siya nidasmag sa usa ka sakyanan.
Ang aksidenti nahitabo didto sa Juana Osmeña, St. Barangay Capitol Site, siyudad sa Sugbo, pasado alas 10:00 kagahapon sa buntag, Mayo 16, 2023.
Ang biktima giila sa kapulisan nga mao si Gleven Karry Labra Garces, 3O anyos ang panuigon, residenti sa Sitio Banawa, Barangay Guadalupe, sa susamang siyudad.
Naila usab ang nagmaniho sa minivan nga mao si Derick Trance , taga Barangay Sibugay, sa naasoy nga dakbayan.
Sa inbestigasyon sa kapulisan nasayran nga gustong makigbuwag ang uyab niini sa biktima.
Nisulay pa kini sa paghikog pinaagi sa paghigda sa karsada apan napugngan sa mga tawo.
Paglabay sa pipila ka minuto nagpasutoy kini sa pagpadagan sa iyang motorsiklo na walay helmet og ni counterflow sa karsada na ni resulta sa pagkadasmag sa minivan na maoy hinungdan sa iyang kamatayon.
Hikog ang gisubay sa kapulisan ang motibo sa maong panghitabo. (Renante Lada, photo courtesy of Gugmang Laagan)