Hangtod ning mga higayona padayon nga wala naila ang usa ka lalaki nga napalgang patay didto sa kasagbutan sa Sitio Acacia,Brgy.Cogon East, lungsod sa Carmen,Probinsya sa Sugbo.Pasado alas 7 kagabii, Agusto 28, 2022. Matud sa kapulisan sa lungsod sa Carmen nga ang biktima nga lalaki nagsuot og itum nga T-shirt nga adunay daghang tattoo sa iyang tuo nga kamot.
Ang maong biktima nakahiagom og mga bun-og sa ulo nga maoy hinungdan sa kamatayon niini. Dugang sa kapulisan nga basi sa pamahayag sa naka saksi nga gitabangan kinig bunal sa mga niabot nga mga driver aron sa pagluwas sa babaye nga gisulayan og lugos. Ang mga emergency team nisulay unta pag rescue sa maong lalaki apan atol sa pag karga niini sa ambulance niambak kini og nidagan dayon dumbol sa iyang ulo sa gahi nga kural nga posibling maoy iyang gikamatyan.
Dugang imbestigasyon ang gihimo karon sa kapulisan ug nag awhag usab sila nga kung adunay nawala nga membro sa pamilya pwedi mudangop sa ilang buhatan. (RSL, photo courtesy of Carmen Police Station)