Usa ka panagbuwag nga wala masabti ug selos nga wala matambali miresulta sa usa ka trahedya sa Sitio Telepono, Barangay Camp 7, Minglanilla kagabii, Agosto 19, 2025, dihang gipusil ug napatay ang usa ka 29-anyos nga lalaki samtang kuyog sa iyang uyab.
Ang biktima nailhan sa alyas “Mer”, checker sa pantalan ug bag-o pa lang mibalik sa Sugbo gikan sa Manila aron makatrabaho ug makapundar. Apan sa tunga sa iyang paningkamot, kalit kini nahimong biktima sa pusil sa giingong kanhi bana sa iyang uyab, nga giila sa alyas “Ode”, 30 anyos.
Nagsakay pa og motorsiklo ang biktima ug ang iyang uyab, nga giila sa alyas “Risa”, sa dihang gitabangan sila sa suspek ug gipusil si Mer sa ulo ug lawas. Patay diha-diha ang biktima samtang ang suspek misibat ug gibiyaan ang motor nga gituohang iyang gisakyan.
Gipadayag sa mga silingan nga dugay na nga buwag si Risa ug Ode, apan tungod kay adunay anak, nagpabilin ang tensiyon ug kasuko sa lalaki. Giingon nga daan na kini mibahad ug nagsige og pasangil sa selos hangtod midangat sa pagpamusil.
Matod sa kapulisan, dili lang kini kaso sa “crime of passion” apan usa usab ka pahinumdom unsa ka peligroso kung ang away pamilya ug relasyon dili matabangan ug tambalan.
I via Renante Socia Lada